चैत ६ – नवनियुक्त प्रहरी महानिरीक्षक (आईजी) दीपक थापाले पहिलो निर्णयको रुपमा सहुलित कर्जाको रकम बढाएका छन् ।
गृहमन्त्रालयमा आईजीको दर्ज्यानी चिह्न लगाएपछि मंगलबार प्रहरी प्रधान कार्यालयमा पोलिसी कोओर्डिनेशन कमिटी (पीसीसी) बैठकमा बोलाएका थिए । प्रहरी नायव महानिरीक्षक (डीआईजी) भन्दा माथिल्लो दर्जाका अफिसर रहने पीसीसी बैठकमार्फत सहुलियत कर्जाको रकम बढाइएको हो ।
यसअघि प्रहरी कर्मचारीले पाउँदै आएको विशेष कल्याणकारी कोषअन्तर्गत सहुलियत कर्जाको रकम बढाएर पाँच पुर्याइएको नेपाल प्रहरीका केन्द्रीय प्रवक्ता दिनेश आचार्यले बताए ।
प्रहरीको कल्याण महाशाखाअन्तर्गत रहने कल्याण कोषबाट प्रहरी कर्मचारीहरुले विभिन्न सेवा- सुविधाहरु पाउँदै आएका छन् । यसअघिसम्म सहुलियत कर्जा भनेर प्रहरी कर्मचारीले ४ लाख रुपैयाँ कर्जा पाउँदै आएका थिए ।
थापा आईजी भएपछि मंगलबार बसेको पीसीसीको पहिलो बैठकले चार लाख कर्जालाई बढाएर ५ लाख रुपैयाँ पुर्याएको प्रवक्ता आचार्यले बताए ।
त्यसैगरी यो कर्जा पाउन यसअघिसम्म ७ वर्ष प्रहरी सेवामा बिताएको हुनुपर्ने व्यवस्था थियो । उक्त व्यवस्थालाई समेत घटाएर ५ वर्षमा झारिएको आचार्यले बताए । यो बाहेक अन्य विषयहरुलाई संशोधन गर्नुपर्ने भन्दै समिति गठन गर्नसमेत पीसीसीले निर्देशन दिएको छ ।
Leave a Reply