विभागले सार्वजनिक गर्‍यो तथ्याङ्क, चार महिनामा साढे ६ खर्बको आयात, ८८ अर्बको निर्यात

 ग्लोवल टि.भी.      बुधबार, मंसिर ८, २०७८      0

काठमाडौं ,मङ्सिर ८गते।
नेपालले चालू आर्थिक वर्ष २०७८/७९ को चार महिनामा विदेशबाट ६ खर्ब ५० अर्ब रुपैयाँ बराबरको वस्तु आयात गरेको छ । भन्सार विभागले सार्वजनिक गरेको साउनदेखि कात्तिकसम्मको तथ्याङ्कले साढे ६ खर्बको वस्तु आयात भएको देखिएको हो ।
गत आर्थिक वर्ष २०७७/७८ को चार महिनामा नेपालमा जम्मा ४ खर्ब २४ करोड रुपैयाँको वस्तु आयात भएको थियो । जुन, यो वर्षको चार महिनाको तुलनामा ६१ प्रतिशतले कम हो । यस्तै, चालू वर्ष ८२ अर्ब रुपैयाँको निर्यात भएको भन्सार विभागको तथ्याङ्कमा उल्लेख छ । गत आर्थिक वर्षको सोही अवधिमा ४० अर्ब रुपैयाँको मात्रै निर्यात भएको थियो । जुन, यो वर्षकोभन्दा १०४ प्रतिशतले कम निर्यात हो ।
नेपालको निर्यात शतप्रतिले बढे पनि व्यापार घाटा झनै चुलिएको छ । भन्सारका विभागका अनुसार चालू वर्षको चार महिनामा व्यापार घाटा बढेर ५ खर्ब ६८ अर्ब रुपैयाँ पुगेको छ । यो, गत वर्षको यही अवधिको व्यापार घाटाभन्दा ५६ प्रतिशतले बढेको हो । गत वर्षको चार महिनाको अवधिमा नेपालले जम्मा ३ खर्ब ६२ अर्ब रुपैयाँ व्यापार घाटा बेहोरेको थियो । साउनदेखि कात्तिकसम्मको अवधिमा नेपालले कूल ७ खर्ब ३२ अर्ब रुपैयाँको वैदेशिक व्यापार गर्दा ५ खर्ब ६८ अर्बको घाटा मात्रै बेहोरेको छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *