ग्लोबल टिभि
0
नेपाली बजारमा मंगलबार सुनको मूल्य प्रतितोला रु ८ सयले घटेको छ । प्रतितोला रु ७०० ले सोमबार उकालो लागेको सुनको मूल्य मंगलबार पुनः ओरालो लागेको हो ।
छापावाल सुन प्रतितोला रु ९४ हजार १०० मा कारोवार हुने गरी मूल्य निर्धारण भएको नेपाल सुनचाँदी व्यवसायी महासंघले जनाएको छ । छापावाला सुन प्रतितोला रु ९४ हजार ९०० मा सोमबार कारोबार भएको थियो ।
यस्तै तेजाबी सुन सोमबार प्रतितोला रु ९४ हजार ४०० मा कारोबार भएकामा मंगलबार प्रतितोला रु ९३ हजार ६०० मूल्य निर्धारण भएको छ । तेजाबी सुन पनि प्रतितोला रु ८०० ले घटेको छ ।
त्यस्तै चाँदीको मूल्य पनि प्रतितोला रु १५ ले घटेको छ । प्रतितोला रु एक हजार ३१५ मा सोमबार कारोबार भएको चाँदी मंगलबार भने एक हजार ३०० मूल्य निर्धारण भएको छ ।
Leave a Reply