ग्लोवल टि.भी.
बिहिबार, पुस २३, २०७७
0
अघिल्ला दिन बढेको सुनको भाउमा एकै दिन १३ सयले घटेको छ । नेपाल सुनचाँदी व्यवसायी महासंघले आज (बिहीबार) का लागि छापावाला सुनको भाउ तोलाको ९५ हजार चार सय रुपैयाँ कायम गरेको छ ।
बुधबार तोलाको ९६ हजार ७ सय रुपैयाँमा कारोबार भएको थियो । मंगलबार भने एकै दिन तोलामा ११ सयले बढेको सुनको भाउ बुधबार पनि तोलामा तीन सय रुपैयाँले बढेको थियो ।
यस्तै तेजाबी सुनको भाउ पनि घटेर तोलाको ९४ हजार ९ सयमा आइपुगेको छ । बुधबार तोलाको ९६ हजार दुई सय थियो ।
चाँदीको भाउ पनि तोलामा १० रुपैयाँले घटेर १३ सय ३० मा झरेको महासंघले जनाएको छ ।
Leave a Reply