ग्लोबल टिभि
बुधबार, चैत्र २५, २०७७
0
एजेन्सी । दक्षिण छिमेकी देश भारतमा पछिल्लो २४ घण्टामा हाल सम्मकै धेरै कोरोना संक्रमित पुष्टि भएका छन् । त्यहां एकैदिन १ लाख १५ हजार २ सय ६९ जनामा कोरोना भाइरसको संक्रमण पुष्टि भएको भारतीय सञ्चार माध्यमहरुले जनाएका छन् ।
यसअघि गत सोमबार भारतमा दोस्रो धेरै १ लाख ३ हजार ७ सय ९३ जनामा कोरोना भाइरसको संक्रमण पुष्टि भएको थियो ।
थप कोरोना संक्रमितको संख्यासंगै भारतमा कुल संक्रमितको संख्या १ करोड २७ लाख ९९ हजार ७ सय ४६ पुगेको छ भने १ करोड १७ लाख ८९ हजार ७ सय ५९ जना कोरोना संक्रमणमुक्त भएका छन् । त्यस्तै सक्रिय कोरोना संक्रमितको कुल संख्या ८ लाख ४३ हजार ७ सय ७९ रहेको छ ।
यस्तै भारतमा कोरोना संक्रमणबाट ज्यान गुमाउनेहरुको संख्या १ लाख ६६ हजार २ सय ८ पुगेको छ ।
पछिल्लो २४ घण्टामा त्यहाँ थप ६३१ जनाले कोरोना संक्रमणबाट ज्यान गुमाएका छन् ।
Leave a Reply