बिश्वमा कोरोना संक्रमणका कारण मृत्यु हुनेको संख्या २१ लाख नाघ्यो

 ग्लोवल टि.भी.      शनिबार, माघ १०, २०७७      0

विश्वमा कोरोना संक्रमणका कारण मृत्यु हुनेको संख्या २१ लाख नाघेको छ । पछिल्लो २४ घण्टामा १५ हजार ७९३ संक्रमितको मृत्यु भएसँगै कोरोनाका कारण मृत्यु हुनेको संख्या संख्या २१ लाख १६ हजार ३१९ पुगेको हो । कुल संक्रमितको आधारमा मृत्यु हुनेको यो संख्या २.१४ प्रतिशत हो ।

यस्तै, पछिल्लो २४ घण्टामा ६ लाख ४७ हजार २२८ जनामा संक्रमण पुष्टि भएसँगै विश्वमा कोरोना संक्रमितको संख्या ९ करोड ८७ लाख ४२ हजार ६९१ पुगेको छ । संक्रमितमध्ये हालसम्म ७ करोड ९ लाख १७ हजार ४३९ जना संक्रमणमुक्त भएका छन् । कुल संक्रमितका आधारमा निको हुनेको दर ७१.८२ प्रतिशत हो ।

कुल संक्रमितको २६.०४ प्रतिशत अर्थात् सक्रिय संक्रिमतको संख्या २ करोड ५७ लाख ८ हजार ९६१ जना अहिले उपचारका क्रममा छन् । जसमध्ये १ लाख ११ हजार २७० जनाको अवस्था गम्भीर रहेको छ ।

यसैगरी, संक्रमणको सबैभन्दा बढी असर परेको अमेरिकामा २ करोड ५३ लाखभन्दा बढी संक्रमित भएका छन् । ४ लाख २४ हजारभन्दा धेरै संक्रमितको मृत्यु भएको छ ।

छिमेकी मुलुक भारतमा कोरोना भाइरस संक्रमणका कारण मृत्यु हुनेको संख्या १ लाख ५३ हजार नाघेको छ । पछिल्लो २४ घण्टामा १५४ जनाको मृत्यु भएको हो । यस्तै पछिल्लो २४ घण्टामा १४ हजार ३४४ जना संक्रमित थपिएसंगै संक्रमितको संख्या १ करोड ६ लाख ४० हजार ५४४ पुगेको छ । संक्रमितमध्ये अहिलेसम्म १ करोड ३ लाख ६३ जना संक्रमणमुक्त भएका छन् ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *