मंसिर १२ –‘भगवत् गीता’ अभिनेत्री झरना थापाको निर्देशनमा बन्ने फिल्म हो। फिल्मका लागि अभिनेत्री सुहानाको जोडीका खोजी सुरु भएको छ ।प्रेमकथामा बन्ने सुनीलकुमार थापा निर्माता रहेको फिल्ममा मुख्य भुमिकामा अभिनेत्री सुहाना थापा रहनेछिन् ।
निर्माण युनिटले फिल्मको लागि २० देखि २५ वर्षको एक युवा कलाकार (हिरो)को आवश्यकता भन्दै अडिसन खुल्ला गरेको हो । यस अगाडि हिरोका लागि अभिनेता धिरज मगरसँग कुरा भएको थियो । तर पारिश्रमिकमा कुरा नमिल्दा अहिले फिल्म युनिटले नायकको खोजी सुरु गरेको हो ।
फिल्मका लागि नायकको अलवा बाल कलाकारको पनि खोजी गरिएको छ । ८ देखि १० वर्ष उमेरका बालकको खोजी गरिएको हो । तर कलाकार फाइनल नहुँदा फिल्मको छायांकन अन्योल बन्दै गएको छ । फिल्म जनकपुर, दार्चुला काठमाडौंमा छायांकन हुनेछ ।अगामी वैशाख १ गतेबाट रिलिज गर्ने तयारी गरिएको फिल्मको छायांकन सेडुल यही मंसिर भनिएको छ ।
Leave a Reply