अन्ततः सामूहिक राजीनामा दिँदै नेपाल समूह

 ग्लोबल टिभि      बुधबार, बैशाख २९, २०७८      0

काठमाडौँ : सत्तारुढ नेकपा एमालेको माधव नेपाल समूहका २० सांसदले राजीनामा दिने भएका छन् ।

राजीनामा दिने तयारी गरेको नेपाल पक्षकी नेतृ रामकुमारी झाँक्रीले जानकारी दिइन् । पार्टीलाई  २०७५ जेठ २ कै अवस्थामा फर्काउन गरेको आग्रहप्रति अध्यक्ष ओली सकारात्मक नभएपछि राजीनामा दिने मनस्थितिमा पुगेको उनले बताइन् ।

गत २७ गते प्रतिनिधिसभामा प्रधानमन्त्री केपी शर्मा ओलीले विश्वासको मत माग्ने क्रममा नेपाल पक्षका २८ सांसद अनुपस्थित  थिए । त्यस दिन उनीहरूले राजीनामा नगर्ने बरु संसदमा उपस्थित नहुने निर्णय गरेका थिए ।

नेपाल समूहका सांसदले मत नदिएको र जसपा सरकारको विपक्षमा गएपछि प्रधानमन्त्री ओली विश्वास पाउन नसकेर पदमुक्त भएका थिए ।

नेपाल समूहका सांसदले राजीनामा दिने भएपछि काँग्रेस सभापति शेरबहादुर देउवाका लागि बहुमत पुर्याउने बाटो खुल्ने भएको छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *