ग्लोबल टिभि
बिहिबार, जेष्ठ १३, २०७८
0
काठमाडौँ : नेपाली काँग्रेसका सभापति शेरबहादुर देउवाले सर्वोच्च अदालतबाट न्याय पाउने विश्वास व्यक्त गरेका छन् ।
देउवाले संविधान र लोकतन्त्रको रक्षाका लागि आफूसहित प्रतिनिधिसभाका बहुमत सांसदले सर्वोच्च अदालतमा निवेदन दर्ता गराएको भन्दै न्याय पाउने विश्वास व्यक्त गरेका हुन् ।
नेपाल प्रेस युनियनको ३०औँ वार्षिकोत्सवका अवसरमा बिहीबार आयोजित ‘भर्चुअल’ कार्यक्रममा प्रधानमन्त्रीले संविधान उल्लंघन गरेको आरोप लगाउँदै संविधानको रक्षाका लागि आफूहरु अदालत जान बाध्य भएको बताए ।
उनले संविधानको धारा ७६ (५) बमोजिम आफूहरुले नयाँ सरकार गठनका लागि गरेको दाबीमा राष्ट्रपतिले आवश्यक छानबिन नगरेको भन्दै आपत्ति जनाए ।
उननले पार्टीको महाधिवेशन गर्न नसकेको कलंक बोक्न नचाहेको भन्दै सबैको चित्त बुझाएर निर्धारित समयमै सम्पन्न गर्ने बताए ।
Leave a Reply