ग्लोबल टिभि
0
काठमाडौँ : नेपाली काँग्रेसका सस्थापन इतरका नेताहरुबीच आगामी १४ औं महाधिवेशनमा एकता कायम गरेर जाने अनौपचारिक समझदारी भएको छ ।
कांग्रेस नेता अर्जुननरसिंह केसीको संयोजनमा शुक्रबार भएको इतर पक्षको बैठकले सभापतिमा एकता कायम गरेर जाने अनौपचारिक सहमति भएको हो ।
‘सके पार्टीभित्रै नसके आफ्नो समूहभित्र एकता गराउन प्रयास गर्ने सहमति भएको छ’, केसीले भने, ‘आजको बैठकले एकताको सम्भावनालाई बलियो बनाएको छ ।’ बैठकले छलफललाई निरन्तरता दिने उनले बताए ।
बैठकमा वरिष्ठ नेता रामचन्द्र पौडेल, महामन्त्री शशांक कोइराला, प्रकाशमान सिंह, कृष्ण सिटौला, डा. रामशरण महत, सुजाता कोइराला, डा.शेखर कोइराला, बलबहादुर केसी लगायतका नेता सहभागी थिए ।।
Post Views: 1,612
Leave a Reply