मकबानपुर । हिन्दु राज्य र राजसंस्था पुनःस्थापनाको माग गर्दै राष्ट्रिय प्रजातन्त्र पार्टीले वागमती प्रदेशको राजधानी हेटौंडामा वृहत प्रदर्शन गरेको छ । ्उक्त अबसरमा राप्रपाका नेताहरुले अब हुने राष्ट्रवादी आन्दोलनको नेतृत्व राप्रपाले गर्ने बताए । उनले राप्रपा बलियो भयो भने मात्र हिन्दुराष्ट्र र राजसंस्थाको पुनःस्थापना हुने प्रतिबद्धता पनि जनाए ।
पार्टी कार्यालय सानोपोखराबाट नाराबाजी सहित निस्किएको ¥यालीले बजारको महत्त्वपूर्ण स्थानहरुको परिक्रमा गरेको थियो ।
प्रदर्शनका क्रममा राजा र हिन्दुत्व सङ्गै भ्रष्टाचार, धर्म परिवर्तन र बेरोजगारी लगायतका बिषयमा नाराबाजी गरिएको थियो ।
शहर परिक्रमा पश्चात सिमा चोकमा आयोजित सभालाई पार्टीका नेताहरुले सम्बोधन गरेका थिए । कार्यक्रममा राप्रपा केन्द्रिय सदस्य मधु अधिकारीले जनताले परिबर्तन खोजेको र त्यो परिबर्तनकारी शक्ति राप्रपा हुने धारणा राखे ।
पार्टीका युवा नेता राजाराम बर्तौलाले राष्ट्रबाद र स्वाभिमानको दियो राप्रपाले बालिरहेको भन्दै यो दियो निभ्न नदिने बताए ।
कार्यक्रममा केन्द्रिय सदस्य नबराज बिष्ट, जिल्ला अध्यक्ष रामहरी न्यौपाने ,युबा संगठन अध्यक्ष शुक्र प्रजा लगायतले बोलेका थिए ।
पछिल्लो समय राजसस्था र हिन्दुराष्ट्र को माग गर्दै देशभर प्रदर्शन भैरहेको अबस्थामा राप्रपा मकवानपुरले प्रर्दशन गरेको हो ।
Leave a Reply