संसद बिघटन गर्ने कदमले नयाँ प्रणालीमै धाबा : डा भट्टराई

‘यो लोकतन्त्रको मर्म र संविधानको प्रावधान विपरीत छ, यसको सबैतिरबाट प्रतिवाद गरिनुपर्छ ।’

 ग्लोवल टि.भी.      आइतवार, पुस ५, २०७७      0

काठमाडौं । सरकारले संसद बिघटन गर्ने निर्णय गरे लगत्तै यस्को चौतर्फी आलोचना भएको छ । यसैबीच पूर्व प्रधानमन्त्री तथा जनता समाजवादी पार्टीका अध्यक्ष डाक्टर बाबुराम भट्टराईले प्रधानमन्त्री केपी शर्मा ओलीको संसद विघटन गर्ने कदमले संविधानसभाबाट स्थापित नयाँ प्रणालीमै धावा बोलेको प्रतिक्रिया दिएका छन् ।

मन्त्रिपरिषद्ले संसद विघटन गर्न राष्ट्रपतिसमक्ष सिफारिश गरेसँगै सामाजिक सन्जालमार्फत भिडियो प्रतिक्रिया दिंदै पूर्व प्रधानमन्त्री भट्टराईले संसदको पाँचवर्षे कार्यकाल रहने र बीचमा भंग गर्न नपाइने संवैधानिक व्यवस्था विपरीत प्रधानमन्त्रीको कदम दुखद रहेको बताए ।

‘यसले हिजोकै अस्थिर संसदीय व्यवस्था दोहोर्याएको छ र हामीले संविधानसभामार्फत जुन प्रणाली ल्यायौं त्यसको धज्जी उडेको छ’ भट्टराईले भनेका छन्, ‘यो लोकतन्त्रको मर्म र संविधानको प्रावधान विपरीत छ, यसको सबैतिरबाट प्रतिवाद गरिनुपर्छ ।’

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *