ओली पक्षीय केन्द्रीय कमिटीको बैठक सुरु

 ग्लोवल टि.भी.      मङ्लबार, पुस ७, २०७७      0

काठमाडौै । सत्तारुढ नेपाल कम्युनिष्ट पार्टी औपचारिक रुपले विभाजनको बाटोमा लागेको छ । पार्टी अध्यक्ष केपी शर्मा ओली र अर्का अध्यक्ष पुष्पमकल दाहाल ‘प्रचण्ड’ पक्षले आज अलग अलग केन्द्रीय कमिटी बैठक डाकेका छन् ।

ओली पक्षको केन्द्रीय कमिटीको बैठक प्रधानमन्त्री निवास बालुवाटारमा सुरु भएको छ । पार्टी केन्द्रीय कमिटीको तेस्रो बैठक बालुवाटारमा अध्यक्ष एवं प्रधानमन्त्री केपी शर्मा ओलीको अध्यक्षतामा आरम्भ भएको प्रधानमन्त्री ओलीका प्रेस सल्लाहकार सूर्य थापाले जानकारी दिएका छन् । दुबै पक्षले आफूले बोलाएको केन्द्रीय कमिटी बैठक नैं आधिकारिक भएको दाबी गरेका छन् ।

आजको बैठकबाट एक अर्कालाई अनुसाशनको कारबाही गर्दै पार्टीबाट निष्काशन गर्ने दुबै पक्षको तयारी छ । सोमबार संसद भवनमा आयोजित प्रचण्ड–नेपाल पक्षका निवर्तमान सांसदहरुको भेलामा सहभागी नभएका वामदेव गौतमले आफू संसद विघटनको विपक्षमा तर पार्टी एकताको पक्षमा रहेको भन्दै पार्टी फुटको साक्षी नबन्ने घोषणा गरेका छन् ।

बालुवाटारमा सोमबार प्रधानमन्त्री ओलीद्वारा आयोजित भेलामा सहभागी नभएका गृहमन्त्री तथा सचिवालय सदस्य रामबहादुर थापाले पनि हतारमा कुनैपनि निर्णय नलिने बताएका छन् । प्रचण्ड पक्षले कार्की पार्टी प्यालेस बबरमहलमा दिउँसो १ बजे बैठक बोलाएको छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *