बेलायती महारानीलाई राष्ट्रप्रमुख नमान्ने बार्बाडोसको घोषणा

 ग्लोवल टि.भी.      शुक्रबार, कार्तिक ५, २०७८      0

एजेन्सी- बार्बाडोसले पहिलो पटक राष्ट्रप्रमुखका रूपमा राष्ट्रपति निर्वाचित गरेको छ।

कुनैबेला बेलायतको उपनिवेश रहेको क्यारेबियन टापु मुलुक बार्बाडोसले अहिलेसम्म बेलायती महारानी एलिजावेथलाई राष्ट्रप्रमुख मान्दै आएको बिबिसीले जनाएको छ।

बार्बाडोसले गत वर्ष नै आफूले गणतान्त्रिक प्रणाली अपनाउने योजना सार्वजनिक गरेको थियो । ७२ वर्षीया डाम सान्द्रा मासोन राष्ट्रपति निर्वाचित भएसँगै बार्बाडोस अब गणतान्त्रिक मुलुक बन्ने भएको छ।

बेलायतबाट स्वतन्त्र भएको ५५ औं वार्षिकोत्सवका अवसर पारेर आगामी नोभेम्बर ३० मा मासोनले राष्ट्रपतिको सपथ लिनेछन्।

बेलायती महारानीलाई राष्ट्रप्रमुखबाट हटाउने बार्बाडोस पहिलो क्यारेबियन टापु राष्ट्र भने होइन। यसअघि गुयाना, ट्रिनिडाड, टोबागोले महारानीलाई राष्ट्रप्रमुखबाट हटाएका थिए।

अहिले पनि क्यानडा, अष्ट्रेलिया, न्युजिल्याण्ड, पपुवा न्यु गिनी, जमैकालगायत मुलुकले बेलायती महारानीलाई आफ्नो देशको राष्ट्रप्रमुख मान्ने गरेका छन्।

२ लाख ८५ हजार जनसंख्या भएको बार्बाडोस क्यारेबियन आइल्यान्डहरूमा सबैभन्दा बढी जनसंख्या भएको समृद्ध मुलुक हो।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *