कांग्रेस सभापति देउवा र चिनियाँ उपमन्त्रीबीच भेटवार्ता

 ग्लोवल टि.भी.      मङ्लबार, पुस १४, २०७७      0

चिनियाँ कम्युनिष्ट पार्टीको प्रतिनिधि मण्डल र नेपाली कांग्रेसका सभापति शेरबहादुर देउवाबीच भेटवार्ता भएको छ । देउवानिवास बूढानीलकण्ठमा भएको भेटमा नेपाल–चीन सम्बन्ध र पछिल्लो घरेलु राजनीतिबारे छलफल भएको छ ।

सभापति देउवा निकट स्रोतका अनुसार भेटमा चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौले संसद विघटनपछि उत्पन्न परिस्थितिबारे चासो राखेका छन् । नेपालमा राजनीतिक स्थिरता र विकास होस् भन्ने चीनको चाहना रहेको भन्दै प्रतिनिधिमण्डलले नेपालको राजनीतिमा चीनको सद्भावमात्रै रहने बताएका थिए ।

भेटका क्रममा सभापति देउवाले संसद विघटन नेपालको लोकतन्त्र र संविधानका लागि नकरात्मक कदम रहेको भन्दै आफ्नो पार्टी संविधान र लोकतन्त्रको पक्षमा दृढ रहेको बताएका थिए । चिनियाँ प्रतिनिधि मण्डलले नेपालको राजनीतिमा आफ्नो चासो भएपनि कुनै हस्तक्षेप नरहने स्पष्ट पारेको थियो ।

चिनियाँ टोलीले राष्ट्रपति विद्यादेवी भण्डारी, प्रधानमन्त्री केपी शर्मा ओली, नेकपा अध्यक्ष पुष्पकमल दाहाल, जसपा संघीय परिषदका अध्यक्ष डा.बाबुराम भट्टराईलगायतसँग भेटवार्ता गरिसकेको छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *