ओलीका सल्लाहकारको बिज्ञप्ति प्रचण्डको सल्लाहकारबाट खण्डन !

 ग्लोवल टि.भी.      मङ्लबार, कार्तिक ४, २०७७      0

काठमाण्डौं । नेकपा कर्णालीमा देखिएको विवाद मिलेको भनि प्रधानमन्त्री केपी शर्मा ओलीका सल्लाहकार सूर्य थापाले जारी गरेको प्रेस नोटको अध्यक्ष पुष्पकमल दाहाल प्रचण्डको सल्लाहकारले अस्वीकार गरेका छन् ।
सल्लाहकार थापाले कर्णालीका मुख्यमन्त्रीले गरेको प्रम्ुख सचेतक खारेज, मुख्यमन्त्रीप्रतिको अबिश्वास प्रस्ताव खारेज लगायतका सहमति भएको सार्वजनिक गरे लगत्तै प्रचण्डको सचिवालयले उक्त सहमतिको खण्डन गरेको हो ।
हेर्नुस् दुइबटै प्रेस नोट

बालुवाटारको विज्ञप्ति

प्रेस नाेट

सम्माननीय प्रधानमन्त्री एवं नेपाल कम्युनिष्ट पार्टी(नेकपा) का अध्यक्ष केपी शर्मा ओली र कार्यकारी अध्यक्ष पुष्पकमल दाहाल”प्रचण्ड” बीच आज बिहानको भेटघाटमा भएकाे सहमति निम्नानुसार रहेकाे जानकारी गराउन चाहन्छु :

१) कर्णाली प्रदेश संसदीय दलका प्रमुख सचेतक गुलाबजंग शाहलाई मुख्यमन्त्री महेन्द्रबहादुर शाहीले हटाउने निर्णय बदर गर्ने ।

२) प्रमुख सचेतकमा उहाँद्वारा नियुक्त साीता नेपालीकाे निर्णय बदर गरी पूर्ववत् रूपमा सचेतकमा कायम गर्ने ।

३) मुख्यमन्त्रीविरूद्द दर्ता भएकाे अविश्वास प्रस्ताव फिर्ता लिने र

४) अन्य विषयहरूमा सल्लाह र समझदारीका साथ आवश्यक निर्णय लिने ।

यस बारेमा आजका कतिपय सञ्चारमाध्यममा आएकाेजस्ताे गरी छलफल र सहमति नभएकाे सबैकाे जानकारीका लागि अनुराेध गर्दछु ।

सूर्य थापा

प्रेस सल्लाहकार

४ कात्तिक २०७७

खुमलटारको विज्ञप्ति 

प्रेस नोट

नेपाल कम्युनिष्ट पार्टी (नेकपा) अध्यक्ष तथा प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल ‘प्रचण्ड’ बीच आज बिहान प्रधानमन्त्री निवास बालुवाटारमा भएको भेटघाटमा कर्णाली प्रदेशको बिषयमा छलफल भएको हो ।

उक्त छलफलमा अविश्वासको प्रस्ताव फिर्ता लिने वा खारेज गर्ने र प्रमुख सचेतक सम्बन्धी बिषय पनि प्रदेश पार्टी कमिटी र प्रदेश सरकारले नै समाधान गर्न सुझाव दिने समझदारी भएको हो । यसबारे कुनै भ्रममा नपर्न सबैसँग आग्रह गरिन्छ ।

बिष्णुप्रसाद सापकोटा ‘जुगल’

प्रेस संयोजक

अध्यक्ष प्रचण्डका निजी सचिवालय

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *