परराष्ट्रमन्त्री ज्ञवाली नेपाल–भारत मन्त्रीस्तरीय संयुक्त आयोगको बैंठकमा सहभागी हुँदै

 ग्लोवल टि.भी.      शुक्रबार, माघ २, २०७७      0

काठमाडौँ । भारत भ्रमणमा रहेका परराष्ट्रमन्त्री प्रदीप ज्ञवाली आज परराष्ट्रमन्त्रीस्तरीय संयुक्त आयोगको छैटौं बैठकमा सहभागी हुँदैछन् ।

भारतीय विदेशमन्त्री एस जयशंकरको निमन्त्रणामा बिहीबार नयाँ दिल्ली पुगेका मन्त्री ज्ञवाली आज हैदराबाद हाउसमा बस्ने संयुक्त आयोगको बैठकमा सहभागी हुने छन्।भारतको विदेश मन्त्रालयले सार्वजनिक गरेको कार्यतालिकाअनुसार परराष्ट्रमन्त्री ज्ञवाली र उनका समकक्षी जयशंकरबीच बिहान ११ बजे भेटवार्ताको समय तय भएको छ । ज्ञवाली र जयशंकरबीच आधा घण्टा औपचारिक वार्तापछि संयुक्त आयोगको बैठक बस्नेछ।

बैठकमा व्यापार, पारवहन, ऊर्जा तथा जलस्रोत सीमा विवाद र वार्ताको वातावरण, पूर्वाधार विकासमा साझेदारी, दुई देशीय सम्पर्क सञ्जाल विस्तार, लगानीमैत्री सहकार्य, कृषिमा दुई पक्षीय सहयोग, पर्यटनमा साझेदारी तथा दुई देशबीचको सांस्कृतिक सहकार्यका विषयमा पनि बैठकमा दुई देशका प्रतिनिधिमण्डलले बृहत् छलफल गर्ने कार्यसूची दुई दिनअघि नै सार्वजनिक भएको छ ।

भारतीय पक्षले बिहीबार सार्वजनिक गरेको बैठकका कार्यसूचीमा गत २०७६ मा नेपालमा भएको पाँचौँ बैठकको सहमति र समझदारीमाथि आत्मविश्लेषण गर्दै प्रगति र असफलताको सूची छुट्टाइनेछ । तर सीमा विवादको विषय के हुन्छ भन्नेबारे केही खुलाइएको छैन ।

यस्तै बैठकमा प्रबुद्ध व्यक्ति समूहको प्रतिवेदन, कोभिड खोपमा साझेदारीजस्ता विषयका महìवपूर्ण सहमति हुने अपेक्षा नेपाली पक्षको छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *