माओवादीहरु इमान्दार र स्वाभिमानी हुन्छन्ः नेतृ रेखा शर्मा

 ग्लोबल टिभि      सोमवार, अशोज १०, २०७९      0

असोज १० –नेकपा माओवादी केन्द्रको स्थायी समिति सदस्य रेखा शर्माले माओवादी बिकाउ माल नभई इमान्दार र स्वाभिमानी भएको बताएकी छन् ।

नेकपा माओवादी केन्द्र दाङ २(१)को प्रशिक्षण भेलालाई आइतबार सम्बोधन गर्दै शर्माले माओवादीको स्वाभिमानलाई कायम राख्दै आगामी निर्वाचन जित्ने गरी तयारी गर्नुपर्ने बताइन् ।

माओवादीहरु इमान्दार भएकाले नै कतिपय राजनीतिक दलहरुले आफूतिर तान्न खोजेको बताउँदै माओवादी बिकाउ माल होइन भन्ने स्थापित गर्नुपर्ने बताइन् । उनले भनिन्, ‘माओवादी इमान्दार हुन्छन् तर माओवादी स्वाभिमानी पनि छन् ।’

माओवादीहरुलाई सबैभन्दा सस्तो माल जसरी व्यवहार गर्न खोज्नेहरुलाई आगामी निर्वाचनमा परास्त गर्नुपर्ने उनले बताइन् । माओवादीहरुको कार्यशैली, जनतामा जाने शैली र दुःख गर्ने शैलीबाट नै प्रतिस्पर्धीहरुलाई परास्त गर्न सकिने उनको भनाइ छ ।

कार्यक्रममा उनले लोकतन्त्रको सवालमा एमालेभन्दा कांग्रेस इमान्दार देखिएकाले पाँच दलीय गठबन्धन गरेर अघि बढेको बताइन् । उनले भनिन्, ‘हामीले निकै ठूलो सपनाका साथ एमालेसँग एकता गरेका थियौं तर एमालेको नेतृत्वले हाम्रो बलमा बहुमत प्राप्त गरेर हामीले ल्याएका अधिकारमाथि हमला गर्न थालेपछि एकता भंग भयो । यसबीचमा एमालेभन्दा लोकतन्त्रको सवालमा कांग्रेस नै इमान्दार देखियो ।’

अहिले को सांसद बन्ने, को मन्त्री बन्ने र कसले जित्ने वा हार्नेभन्दा पनि संविधान र लोकतन्त्र बचाउने मुख्य सवाल भएकाले कांग्रेसको नेतृत्वमा पाँच दलीय गठबन्धनमार्फत आफूहरु अघि बढिरहेको शर्माले बताइन् ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *