ग्लोबल टिभि
शुक्रबार, चैत्र २०, २०७७
0
नेपाली कांग्रेस केन्द्रीय समिति बैठक आज बस्दैछ । दिउँसो २ बजेका लागि पार्टी केन्द्रीय कार्यालय सानेपामा बैठक डाकेको हो । बैठकमा क्रियाशील छानविन समिति र अन्तरपार्टी समायोजन समितिले प्रतिवेदन पेस गर्ने मुख्य एजेण्डा रहेको केन्द्रीय सदस्य डा. डिला संग्रौलाले जानकारी दिइन् ।
बैठकमा समसामयिक राजनीतिक विषयमा पनि छलफल हुने संग्रौलाको भनाइ छ । संसद पुनःस्थापनापछि पार्टी महाधिवेशन र राष्ट्रिय राजनीतिबारे केन्द्रीय समितिमा आज छलफल हुन लागेको हो ।
संसद पुनःस्थापनापछिको राष्ट्रिय राजनीतिबारे नेताहरुले बैठक माग गर्दै आए पनि बैठक बस्न सकेको थिएन । कांग्रेसमा वैकल्पिक सरकार निर्माणका विषयमा संस्थागत निर्णय लिन दबाब छ ।
Leave a Reply