आज देखि चितवन र पर्सा राष्ट्रिय निकुञ्जमा एक सिङे गैडाको गणना सुरु हुने

 ग्लोवल टि.भी.      सोमवार, चैत्र ९, २०७७      0

चितवन । आज देखि चितवन राष्ट्रिय निकुञ्ज र पर्सा राष्ट्रिय निकुञ्जमा रहेका विश्वकै दुर्लभ जनावर एक सिङे गैडाको गणना सुरु गरिने भएको छ । तोकिएको समयभन्दा करिब दुई वर्षपछि गैडाको गणना हुन लागेको हो ।

गणनाको सबै तयारी पूरा भएको चितवन राष्ट्रिय निकुञ्ज कार्यालयले जनाएको छ । चितवन र पर्सा राष्ट्रिय निकुञ्जको गणना एकैसाथ गणना सुरु हुने जानकारी दिइएको छ ।
वन तथा भूसंरक्षणमन्त्री प्रेम आलेमगरले पर्सा राष्ट्रिय निकुञ्जको प्रतापपुरमा वनदेवीको पूजा गरी गैँडा गणनाको सुरुआत गर्ने कार्यक्रम रहेको चितवन राष्ट्रिय निकुञ्जका प्रमुख अणनाथ बरालले जानकारी दिए ।
गैँडा गणना राष्ट्रिय निकुञ्ज तथा वन्यजन्तु संरक्षण विभागको नेतृत्वमा हुन लागेको हो ।

चितवन र पर्सालाई एउटा ब्लक बनाइएको छ । यी दुई निकुञ्जमा आजदेखि तथा बर्दिया राष्ट्रिय निकुञ्जमा चैत १७ गतेदेखि र शुक्लाफाँटामा चैत्र १९ गतेदेखि गणना सुरु हुँदैछ ।

दुई निकुञ्जमा गैँडा गणना गर्न कम्तीमा २० दिन लाग्ने अनुमान छ । चैत २९ गतेसम्ममा चारवटै निकुञ्जमा गैँडा गणना सकेर वैशाख पहिलो साता नतिजा सार्वजनिक गर्ने गरी तयारी गरिएको छ ।

पाँच’पाँच वर्षमा गैँडा गणना गर्ने भनिए पनि अघिल्लो वर्ष कोरोना भाइरस (कोभिड–१९) र त्यसअघि बजेट अभावका कारण गैँडा गणनाको काम रोकिएको थियो ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *