मााघ ११ – दाङको तुलसीपुर बसपार्क निर्माण कार्य बजेट अभावका कारण अलपत्र परेको छ ।
पहिलो चरणको काम पूरा भएको ३ वर्ष पुग्नै लाग्दा समेत बसपार्क निर्माणको दोस्रो चरणको काम अघि बढ्न नसकेको हाे। बजेट अभावका कारण बसपार्ककाे निर्माणमा ढिलाई भएको छ । ३४ करोड रुपैयाँको लागतमा बसपार्क निर्माण गर्न गुरुयोजना बनाइएको थियो ।
तुलसीपुर उपमहानगरपालिकासँग प्रयाप्त बजेट नभएपछि बसपार्क अलपत्र परेको हो । पहिलो चरणमा नगर विकास समितिबाट १० करोड ५० लाख रुपैयाँ ऋण लिएर बसपार्क निर्माण अघि बढाइएको थियो । नगर विकास कोषले २०७४ सालमा ९० प्रतिशत ऋण र १० प्रतिशत अनुदानमा बजेट उपलब्ध गराएको थियो ।
पहिलो चरणमा एक तलाको टर्मिनल भवन, ५२ व्यापारिक सटर, सार्वजनिक शौचालय, सडक र सडक बत्ती निर्माण गरीएको उपमहानगरपालिकाका इन्जिनियर पवन योगीले बताए। बसपार्कको बाँकी काम सक्न २४ करोड रुपैयाँ लाग्ने अनुमान गरिएको छ ।
उपमहानगरपालिकाको आन्तरिक स्रोतबाट काम गर्ने सम्भावना नभएपछि कार्यपालिकाले नगर विकास समितिसँग ऋण माग गर्ने निर्णय गरेको छ ।
Leave a Reply