ग्लोबल टिभि
0
वैशाख १३– शहीद स्मारक ए डिभिजन लिगमा बुधबार सातदोबाटो युथ क्लबले संकटा क्लबमाथि सानदार जित हात पारेको छ ।
च्यासल मैदानमा भएको खेलमा सातदोबाटोले संकटालाई ४–० ले पराजित गरेको हो ।
सातदोबाटोका लागि विलियम ओपोकु र दिपकराज सिंह ठकुरीले २–२ गोल गरे ।
विलियमले १०औं र १८औं मिनेटमा गोल गर्दै सातदोबाटोलाई पहिलो हाफमा २–० को अग्रता दिलाएका थिए ।
दिपकले ६८औं र ८२औं मिनेटमा गोल गर्दै सातदोबाटोलाई सानदार जित दिलाए ।
सिजनको छैटौं जितपछि सातदोबाटो १२ खेलबाट २१ अंक जोडेर तेस्रो स्थानमा उक्लेको छ । पाँचौ हार बेहोरेको संकटा १२ खेलबाट १५ अंकसहित नवौँ स्थानमा छ ।
Leave a Reply