जापानमा छुरा तथा गोली प्रहार हुँदा ४ को मृत्यु

 ग्लोबल टिभि      शुक्रबार, जेष्ठ १२, २०८०      0

जेठ १२ –  जापानको नाकानो सहरमा भएको छुरा तथा गोली प्रहारको घटनामा चार जनाको मृत्यु भएको छ । आक्रमणकारी नगरसभा सभामुखको छोरा भएको स्थानीय सञ्चार माध्यमले जनाएका छन् । शङ्कास्पद आक्रमणकारीलाई प्रहरीले नियन्त्रणमा लिइसकेको छ ।

आक्रमणकारीले सुरुमा एक जना महिलालाई छुरा प्रहार गरेको र त्यसपछि सिकारी राइफलले दुई जना प्रहरीलाई गोली हानेको हो । घटनामा थप एक जना मारिएको कुरा पछि पुष्टि भएको थियो । चौथो व्यक्ति एक जना वृद्ध महिला भएको र उनी कसरी मारिइन भन्ने कुरा भने स्पष्ट नभएको जनाइएको छ ।

स्थानीय समयअनुसार बिहीबार साँझ करिब साढे ६ बजे प्रहरीले एक जना व्यक्तिले एउटा महिलालाई छुरा हानेको घटनाबारे प्रथम सूचना पाएको जापानी समाचार समिति क्योदोले जनाएको छ ।

आक्रमणकारीले सैनिकले लगाउने जस्तो पोसाक लगाएको र पक्राउ पर्नुअघि आफ्नो बुवाको घरभित्र घण्टौँ लुकेर बसेको प्रहरीले बताएको छ । गत जुलाईमा पूर्वप्रधानमन्त्री सिन्जो आबेको गोली प्रहार गरी हत्या भए पनि जापानमा बन्दुक हिंसाको घटना विरलै हुने गरेको छ । बन्दुकको लाइसेन्स लिनका लागि त्यहाँ कठिन परीक्षा र मानसिक स्वास्थ्य परीक्षण गराउनुपर्छ । त्यसपछि शटगन र एयर राइफल मात्र किन्न पाइन्छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *