ग्लोबल टिभि
शनिबार, बैशाख २५, २०७८
0
काठमाडौँ । पत्रकार दिनेश दाहालको कोरोना संक्रमणबाट निधन भएको छ ।
वैशाख १ गते कोरोना संक्रमण पुष्टि भएपछि घरमै आइसोलेसनमा रहेका ४० वर्षीय दाहाललाई वैशाख १० गते ललितपुरको धापाखेलस्थित सुमेरु अस्पतालमा भर्ना गरिएको थियो । १५ दिनदेखि उपचाररत दाहालको शनिबार बिहान उपचारको क्रममा निधन भएको हो ।
नेपाल पत्रकार महासंघ काठमाडौं शाखाका सदस्य रहेका दाहाल दुई दशकदेखि पत्रकारितामा सक्रिय थिए । जनप्रहार साप्ताहिकमा लामो समय सम्पादक रहेका उनी हाल सिपोस्ट न्यूज डटकमका सम्पादक प्रकाशक थिए ।
स्वर्गीय दाहालका श्रीमती, एक छोरा र एक छोरी छन् ।
Leave a Reply