शुक्रबार सुनको मूल्यमा सामान्य वृद्धि

 ग्लोवल टि.भी.      शुक्रबार, कार्तिक २८, २०७७      0

काठमाडौं । साताको अन्तिम दिन आज शुक्रबार सुनको मूल्यमा सामान्य वृद्धि भएको छ ।

केही दिनदेखि घट्दै आएको सुनको मूल्य शुक्रबार ५०० रुपैयाँले वृद्धि भएको छ । नेपाल सुनचाँदी व्यवसायी महासंघका अनुसार शुक्रबार छापावाल सुन तोलामा ९५ हजार २०० रुपैयाँमा कारोबार भएको छ । यसअघि बिहीबार ९४ हजार ७०० रुपैयाँमा कारोबार भएको थियो ।

यस्तै तेजावी सुन शुक्रबार तोलामा ९४ हजार ७०० रुपैयाँमा कारोबार भइरहेको छ । तर, सुनको मूल्य घटबढ भइरहेको भए पनि विगत ३ दिनयता चाँदीको मूल्य भने स्थिर रहेको छ ।

महासंघका अनुसार शुक्रबार चाँदी प्रतितोला १ हजार २२० रुपैयाँमा कारोबार भइरहेको छ ।

यसअघि गत मंगलबार एकैपटक ३ हजार ४०० रुपैयाँले घटेको सुनको मूल्य बुधबार प्रतितोला १०० रुपैयाँले वृद्धि भएको थियो । तर, बिहीबार पुनः २०० रुपैयाँले घटेको सुनको मूल्यमा आज शुक्रबार प्रतितोला ५०० रुपैयाँले कमी आएको हो ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *