शैक्षिक भ्रमणमा गएको बस दुर्घटना, १३ जना घाइते

 ग्लोबल टिभि      बुधबार, जेष्ठ १६, २०८१      0

जेठ १६ –  बैतडीको मेलौली नगरपालिकामा रहेको मणिलेक नमुना माविको बस दुर्घटनामा परेको छ। शैक्षिक भ्रमणको लागि गएको बस बर्दियाको ठाकुरबाबा नगरपालिका-४ पूर्व पश्चिम राजमार्गमा दुर्घटनामा परेको हो।

मेलौलीबाट शैक्षिक अवलोकन भ्रमणका लागि गएको ना ८ ख ६३६१ नम्बरको बस बुधबार बिहान ०५ः४५ बजेतिर दुर्घटनामा परेको प्रहरीले जनाएको छ।

जिल्ला प्रहरी कार्यालय बर्दियाका अनुसार रोकी राखेको ट्रकसँग उक्त बस ठोक्किएको हो। बसमा ४२ जना सवार रहेको थिए। ती मध्ये १३ जना सामान्य घाइते भएको प्रहरीले जनाएको छ।

घाइते मध्ये ५ जनाको नेपालगन्जमा उपचार भइरहेको छ। बस मंगलबार मेलौलीबाट शैक्षिक अवलोकन भ्रमणका लागि चितवन तर्फ हिँडेको बताइएको छ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *