सुनसरीको कोशी गाउँपालिका ८ मा माइक्रोबस, मोटरसाइकल र पीकअप भ्यान ठोकिदा तीन जनाको मृत्यु भएको छ, भने २ जना घाइते भएका छन् ।
आइतबार बिहान पूर्वपश्चिम राजमार्गको कोशी गाउँपालिका ८ खण्डमा माइक्रोबसले मोटर साइकल र पीकअप भ्यानलाई ठक्कर दिदा दुघर्टना भएको हो
पूर्वबाट पश्चिमतर्फ जाँदै गरेको बा३ख ७२२४ नम्बरको माइक्रोबसले पूर्वतर्फ आउँदै गरेको स६प ४६६१ नम्बरको मोटरसाइकललाई ठक्कर दिएको थियो । त्यससंगै सोही दिशाबाट आउँदै गरेको को १च ९३६८ नम्बरको पीकअप भ्यानलाई पनि ठक्कर दिएको प्रदेश ट्राफिक प्रहरी कार्यालय इटहरीका डीएसपी सुमन तिम्सिनाले बताए ।
डीएसपी सुमन तिम्सिनाका अनुसार तीव्र गतिको हाइसको ठक्करबाट मोटसाइकल चालक सप्तरीको डाक्नेश्वरी नगरपालिका – ५ का २८ वर्षीय उदय साह, मोटसाइकलमा सवार विराटनगरका ४० वर्षीय रामप्रसाद साह र पिकअपका चालक विराटनगर -७ का करीब ३८ वर्षीय अक्षयकुमार गुप्ताको मृत्यु भएको छ ।दुर्घटनामा गम्भीर घाइते तीनै जनाको जिल्ला अस्पताल इनरुवामा उपचारका क्रममा मृत्यु भएको हो ।
हाइस चालक नुवाकोट विदुर नगरपालिका–१३ का ३५ वर्षीय विवश तामाङ र सहचालक सोही नगरपालिका -११ का २५ वर्षीय नारायण बस्याल पनि सामान्य घाइते छन् । पानी परिरहेको समयमा तीव्र गतिमा हुइकिएका कारण दुर्घटना भएको ट्राफिक प्रहरीले बताएको छ।
Leave a Reply