सप्तकोशी नदीमा पानीको बहाव उच्च,तटीय क्षेत्रका स्थानीयलाई सर्तक रहन आग्रह

 ग्लोबल टिभि      शुक्रबार, असार १८, २०७८      0

पूर्वी पहाडी भेगमा निरन्तर भइरहेको वर्षाका कारण सप्तकोशी नदीको जलस्तर बढेको छ ।शुक्रबार कोशी नदीको बहाव उच्च भएको छ । निरन्तर वर्षापछि नदीमा पानीको बहाव बढेको हो ।

सामान्यतया नदीको बहाबमा ५० देखि ७० हजार क्यूसेक प्रतिसेकेण्ड पानी रहने कोशीमा शुक्रबार साँझको मापन अनुसार कोशी ब्यारेज भएर १ लाख ५५ हजार ९ सय ७५ क्यूसेक पानी बगिरहेको छ । यसरी पानीको बहाव बढेपछि तटिय क्षेत्रका स्थानीयलाई सतर्कत रहन आग्रह गरेको छ।

कोशी ब्यारेज कन्ट्रोल रुमले दिएको जानकारी अनुसार शुक्रबार साँझ १ लाख ५५ हजार ९ सय ७५ क्यूसेक प्रतिसेकेण्ड बहाव मापन भएको छ। नदीमा पानीको बहाव उच्च भएपछि व्यारेजका २४ वटा ढोका खोलिएका छन् ।

सुनसरी जिल्ला प्रशासन कार्यालयले सप्तकोशी नदीको जलस्तरमा घटबढ भएपनि तटिय क्षेत्रमा भने कुनै पनि खतरा नरहेको बताएको छ ।

स्थानीय प्रशासनले सबै तटबन्ध र स्परको अवस्थाको अनुगमन पनि गरेको छ। वर्षा जारी रहेकोले नदीको बहाव जुनकुनै बेला बढ्न सक्ने भएकोले नदी तटीय क्षेत्रका स्थानीयलाई सर्तक रहन सूचना गरिएको छ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *