उपत्यकामा हट्यो जोरबिजोर प्रणाली

 ग्लोवल टि.भी.      शुक्रबार, पुस ३, २०७७      0

काठमाडौं उपत्यकाभित्र चल्ने सवारीसाधनमा लागु गरेको जोरबिजोर प्रणाली आजबाट हटाइएको छ ।

सर्वसाधारणको चहलपहल बढेसँगै सार्वजनिक यातायातका साधनमा भिडभाड बढेपछि जोरबिजोर प्रणाली हटाइएको हो। सरकारले साउनदेखि लकडाउन खुकुलो बनाएर यातायातका साधन सञ्चालन खुला गरेको थियो। तर सडकमा चाप पर्न नदिन जोरबिजोर प्रणाली भने कायमै राखिएको थियो ।

पछिल्लो समय यातायातकर्मी र व्यवसायीले मात्र नभएर यात्रुले पनि यो प्रणाली हटाउन माग गर्दै आएका थिए। नेपाल यातायात व्यवसायी राष्ट्रिय महासंघले पनि जोरबिजोर प्रणाली हटाउन गृह मन्त्रालय र भौतिक पूर्वाधार तथा यातायात मन्त्रालयलाई पत्र पठाएको थियो। सोही अनुसार जोरबिजोर प्रणाली आजबाट लागु हुनेगरी हटाइएको महानगरीय ट्राफिक प्रहरी महाशाखाका प्रवक्ता रामेश्वर रायले जानकारी दिएका हुन्। गृह मन्त्रालयले गत साउन २२ गतेदेखि काठमाडौं उपत्यकामा निजी तथा सार्वजनिक सवारीसाधनमा जोरबिजोर प्रणाली लागू गरेको थियो।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *