शुक्रबार बिहान भक्तपुरमा ट्रक पल्टिदाँ चालकको मृत्यु भएको छ । मृतयु हुनेमा पर्सा जिल्ला वीरगन्ज महानगरपालिका वडा नम्बर १२ बस्ने ३० वर्षीय कैमोदिन अन्सारी रहेका छन् । अन्सारीको घटनास्थलमा नै मृत्यु भएको महानगरीय प्रहरी परिसर भक्तपुरका सूचना अधिकारी डीएसपी दीपक गिरीले जानकारी दिए ।
बिहान करिब २ बजे सूर्यविनायक नगरपालिका वडा नम्बर ८, आदर्श चोक नजिकै ना. ६ ख ३९८२ नम्बरको ट्रक आफै अनियन्त्रित भई दुर्घटना भएको हो ।
अरनिको राजमार्ग जगातीबाट सूर्यविनायकतर्फ आउदै गरेको ट्रक अनियन्त्रित भई दुर्घटना हुदाँ च्यापिएर चालकको मृत्यु भएको प्रहरीको भनाइ छ ।
‘क्रेनको सहायताले ट्रकलाई हटाई हेर्दा अन्सारीको घटनास्थलमा नै मृत्यु भएको रहेछ,’ डीएसपी गिरीले भने । उक्त ट्रकमा रहेका ११ वटा भैसीहरु सामान्य घाईते भएका छन् ।
मृतक अन्सारीको शव पोष्टमार्टमका लागि काठमाडौं मेडिकल कलेज पठाइएको छ । घटनाबारे थप अनुसन्धान भइरहेको प्रहरीले जनाएको छ ।
Leave a Reply