ग्लोबल टिभि
0
रसुवाको गत्लाङ्मा बुधबार भएको आगलागीबाट दुई घर जलेर नष्ट भएका छन् ।आमाछोदिङ्मो गाउँपालिका–३ स्थित गत्लाङ गाउँका बमबहादुर तामाङ र चुङ्थुङ तामाङको घर आगलागी भएको रसुवा प्रहरी कार्यालयले जानकारी गराएको छ । आगलागीबाट कुनै मानवीय क्षति भने नभएको बताएको छ ।
करीब ६०० घरधुरी रहेको गाउँ बीचमा रहेका ती दुई घर नष्ट भएको र अन्य घर जोगाउन स्थानीयवासीले आगो नियन्त्रण गरेका थिए । क्षतिको विवरण लिने काम भइरहेको र घटनास्थलमा नेपाल प्रहरी पुगिसकेको स्थानीयवासी पेम्बा तामाङले बताए । आगलागीको कारण भने अझै पत्ता लागेको छैन । थप अनुसन्धान भइरहेको प्रहरीले जनाएको छ ।
Leave a Reply