ग्लोबल टिभि
बुधबार, फाल्गुन १९, २०७७
0
नेपाल कम्युनिष्ट पार्टी (नेकपा) दाहाल–नेपाल समूहले प्रधानमन्त्री के.पी. शर्मा ओलीलाई संसदीय दलको नेताबाट हटाउने निर्णय गरेको छ ।
दाहाल–नेपाल समूहको आज काठमाडौमा बसेको केन्द्रिय कमिटिको बैठकले ओली समूहमा सक्रिय ७ जना नेतालाई कारबाही गर्ने पनि निर्णय गरेको छ ।
बैठकले ओली समूहका नेताहरु महेश बस्नेत, विशाल भट्टराई, शान्ता चौधरी, सूर्य थापा, प्रभु साह र कर्णबहादुर थापालाई पार्टीबाट निलम्बन गर्ने निर्णय गरेको हो । त्यस्तै बैठकले नेकपा संसदीय दलका उपनेता सुवास नेम्वाङलाई संसदीय दलको उपनेताबाट हटाउने निर्णय पनि गरेको छ ।
पार्टी हित विपरीत गतिविधिमा सक्रिय भएकोले कारबाही गरिएको दाहाल–नेपाल समूहले जनाएको छ ।
Leave a Reply