सिंगापुरमा भेटियो कोरोनाको नयाँ सबभेरियन्ट ‘एक्सबीबी’

 ग्लोबल टिभि      आइतवार, अशोज ३०, २०७९      0

असोज ३०-  सिंगापुरमा यसैसाता एक्सबीबी नामक नोबल–कोरोनाभाइरसको नयाँ सबभेरियन्ट भेटिएको घोषणा गरिएको छ ।

एकै दिनमा यस कोभिड–१९ संक्रमितको संख्या दोब्बर भएको छ । सोमबार ४ हजार ७ सयजना मानिसमा एक्सबीबी फेला परेको थियो भने त्यसको भोलिपल्टै सो संख्या ११ हजार ७ सय पुगेको थियो । हङकङमा पनि यही सबभेरियन्ट फेला परिसकेको छ ।

सार्स–कोभ–२ भाइरसको ओमिक्रोन भेरियन्टको मूलबाट आएको उच्च दरमा म्युटेड भएको भेरियन्ट गतवर्षको सुरुआतमा उच्च गतिमा फैलिएको थियो । एक्सबीबी भने विभिन्न कारणले अहिलेसम्मकै सबैभन्दा खराब भाइरस मानिएको छ ।

यो विगतका भेरियन्ट र सबभेरियन्ट भन्दा निकै धेरै संक्रमक रहेको बताइएको छ । यसले मोनोक्लोनोल थेरापिबाट प्राप्त हुने एन्टिबडीको पनि बेवास्ता गर्दछ । साथै यसले कोभिड उपचारका लागि प्रयोग हुने संभवत सम्पूर्ण श्रेणीका औषधिहरूलाई पनि प्रभावहीन बनाउँछ ।

स्वास्थ्य सुरक्षाका लागि जोन हप्किन्स सेन्टरका जनस्वास्थ्य विशेषज्ञ अमेश अडाल्जाले द डेली विस्टलाई भनेका छन्,यसले संभवतः सबैभन्दा बढी मानव शरीरको प्रतिरक्षा छलाउन सक्छ ।

छुटाउनु भयो कि?

फेसबुक छैन तलको फारम भर्नुहोस् ।

Leave a Reply

Your email address will not be published. Required fields are marked *