काठमाडौं । महोत्तरीमा घाँस काटन गएका सात किशोरी बेपत्ता भएका छन् । भंगहा नगरपालिका वडा नम्बर ८ धर्मपुरका ७ जना बालिका र किशोरीहरु वेपत्ता भएको प्रहरीले जनाएको छ ।
वेपत्ता हुनेहरुमा वर्ष १८ की अस्मिता पासवान, सोही उमेरकी नगिना पासवान, वर्ष १५ की रिया पासवान, सोही उमेरकी अर्चना पासवान, वर्ष १३ की ज्योती पासवान, वर्ष १० की रञ्जना पासवान र सीमा पासवान वेपत्ता भएको प्रहरीले जनाएको छ । यी सातै जना मंगलबार दिउँसो घाँस काट्न भन्दै गएको र अहिलेसम्म घर नफर्केको उनीहरुको अभिभावकलाई उदृत गर्दै प्रहरीले जनाएको छ ।
‘घाँस काट्न गएका ७ जना किशोरी र बालिका हराएको भन्दै मंगलवार साँझ करिब नौ बजे परिवारले खबर गरेको र प्रहरीले खोजी कार्य जारी राखेको महोत्तरी प्रहरीले जानकारी दिएको छ । यस बिषयमा प्रहरी प्रधानकार्यालयका प्रवत्ता एसएसपी बसन्त कुवँरले पनि किशोरी र बालिका हराएको पुष्टि गरेका छन् । ग्लोबल टेलिभिजनसंगै कुरा गर्दै एसएसपी कुँवरले महोत्तरीबाट सात जना किशोरी हराएको सुचना सहि भएको र प्रहरीले खोजी कार्य सुरु गरिसकेको जानकारी दिनु भयो । उहांले खोजी कार्यमा प्रगति हुनासाथै प्रहरीले सत्यतथ्य जानकारी दिने बताउनु भयो ।
Leave a Reply