ग्लोबल टिभि
आइतवार, माघ ४, २०७७
0
देशका केही भू–भागमा आजको मौसममा आंशिकदेखि सामान्य बदली रहने जल तथा मौसम पूर्वानुमान महाशाखाले जनाएको छ ।
प्रदेश नम्बर १, बाग्मती र गण्डकी प्रदेशका पहाडी भू–भागहरूमा आंशिकदेखि सामान्य बदली रहने मौसमविद निराजन सापकोटाले जानकारी गराएका हुन्। यसबाहेक देशका बाँकी भू–भागको मौसम सामान्यतया सफा रहने महाशाखाले जनाएको छ ।
आज राति पनि देशका पहाडी भू–भागमा आंशिक बदली रही बाँकी भूभागमा मौसम सामान्यतया सफा रहने छ ।
तराईका भूभागमा बाक्लो हुस्सु र कुहिरो लागेको छ । देशको विभिन्न भूभागमा तापक्रममा हल्का गिरावट आउनुका साथै तराईका धेरै भूभागहरुमा बिहानको समयमा बाक्लो हुस्सु र कुहिरोसमेत लाग्ने सम्भावना रहेकाले चिसोबाट बच्न आवश्यक सतर्कता अपनाउन मौसमविदले आग्रह गरेका छन्
Leave a Reply