ग्लोबल टिभि
0
नेपालले थ्री नेसन्स कपको उपाधि जितेको छ । दशरथ रंगशालामा भएको फाइनलमा बंगलादेशलाई २–१ गोल अन्तरले पराजित गर्दै नेपालले उपाधि हात पारेको हो । उपाधिसंगै नेपालको सिनियर टीमले अन्तराष्ट्रिय स्तरको प्रतियोगिताको उपाधि जित्ने पाँच वर्षादेखिको सपना पुरा गरेको छ ।
यसअघि नेपालले सन् २०१६ मा एएफसी सोलिडारिटी कपको उपाधि जितेको थियो । नेपाललाई उपाधि दिलाउने क्रममा सन्जोग राई र विशाल राईले एक–एक गोल गरे । बंगलादेशले दोस्रो हाफमा एक गोल फर्काएपनि जितका लागि पर्याप्त भएन । सन्जोगले १८ मिनेटमा नेपालका लागि पहिलो गोल गरे । दोस्रो गोल खेलको ४१ औं मिनेटमा सन्जोगले निकालेको पासमा विशाल राईले गरे र अग्रता दोब्बर पारे ।
Leave a Reply