ग्लोबल टिभि
बुधबार, चैत्र १८, २०७७
0
एजेन्सी । न्यूजिल्याण्ड विरुद्धको तीन खेलको टी-ट्वान्टी सिरिमा बंगलादेश पराजित भएको छ । नेपियरमा मंगलवार पाहुना टोली बंगलादेशविरुद्ध भएको दोस्रो खेलमा डीएल पद्दतिका आधारमा २८ रनले पराजित गर्दै न्यूजिल्याण्डले टी-ट्वान्टी सिरिज आफ्नो पक्षमा पारेको हो । लगातार दोस्रो खेल जितेपछि तीन खेलको सिरिज न्यूजिल्याण्डले एक खेल अगावै आफ्नो पोल्टामा पार्न सफल भयो ।
वर्षाका कारण खेल अवरूद्ध भएपछि बंगलादेशलाई डीएल पद्धतिका आधारमा जितका लागि १६ ओभरमा १ सय ७१ रनको लक्ष्य दिइएकोमा उसले लक्ष्य भेट्टाउन सकेन ।
१६ ओभरमा बंगलादेशले ७ विकेट गुमाएर १ सय ४२ रन मात्र बनाउन सक्यो ।
त्यसअघि पहिले ब्याटिङ गरेको न्युजिल्याण्डले १७ ओभर ५ बलमा ५ विकेट गुमाएर १ सय ७३ रन बनाएको थियो । तर, वर्षाले खेल विथोलिएको थियो ।
Leave a Reply