सिन्धुपाल्चोक र जाजरकोटमा गरी १४ जना बेपत्ता
अविरल वर्षाको कारण देशका विभिन्न स्थानमा आएको बाढी, पहिरो र डुबानमा परी ४ जनाको मृत्यु भएको छ । बाढी, पहिरो र डुबानमा परी पाल्पामा १ जना, कास्कीमा १, सिन्धुपाल्चोकमा १ र डोटीमा १ गरी जम्मा ४ जनाको मृत्यु भएको हो । मृत्यु हुनेमा ३ जना पुरुष र १ जना महिला छन् ।
बाढीबाट सबैभन्दा बढी प्रभावित सिन्धुपाल्चोकमा ६६, कास्कीमा १, पाल्पामा १ र स्याङजामा १ जना गरी ६९ जनालाई प्रहरीले उद्धार गरेको छ । बाढी पहिरोमा परी सिन्धुपाल्चोकमा ७ र जाजरकोटमा ७ जना गरी १४ जना वेपत्ता छन् । वेपत्तामध्ये १० जना पुरुष र ४ जना महिला छन् । वेपत्ताको खोजी कार्य जारी रहेको प्रहरीले जनाएको छ ।
बाढी, पहिरोमा परी सिन्धुपाल्चोकमा ४, डोटीमा २, कास्कीमा १ र स्याङजा १ जना गरी ८ जना घाइते भएका छन् । वर्षाको कारण सिन्धुपाल्चोक, पाल्पा, रुपन्देही र नवरलपरासी पश्चिम लगायतका स्थानहरुमा पहिरोले सडक अवरुद्ध भएका छन् । बाढीको कारण १ सय ६५ वटा घर डुबानमा परेका छन् । ५३ वटा घर, ३ वटा गोठ, ५ वटा पुल र ६ वटा सरकारी कार्यलयमा क्षति पुगेको छ । ६२ घर परिवार विस्थापित भएका छन् ।
Leave a Reply