ग्लोबल टिभि
मङ्लबार, चैत्र ३१, २०७७
0
एजेन्सी । दक्षिणी छिमेकी देश भारतमा पछिल्लो २४ घण्टामा थप १ लाख ६० हजार ६ सय ९४ जनामा कोरोना संक्रमण पुष्टि भएको छ ।
यो संख्या भारतमा कोरोना भाइरसको संक्रमण पुष्टि हुनेको यो संख्या दोस्रो धेरै हो । यसअघि आइतबार मा भारतमा अहिले सम्मकै धेरै १ लाख ६९ हजार ८ सय ९९ जनामा कोरोना भाइरस संक्रमण पुष्टि भएको छ ।
पछिल्लो पटक थपिएको संख्यासंगै भारतमा कोरोना संक्रमितको कुल संख्या १ करोड ३६ लाख ८६ हजार ७३ पुगेको छ ।
भारतमा १ करोड २२ लाख ५० हजार ४ सय ४० जना कोरोना भाइरस संक्रमण मुक्त भएका छन् भने सक्रिय संक्रमितको संख्या १२ लाख ६४ हजार ५ सय ४४ रहेको छ ।
यस्तै भारतमा कोरोना भाइरसको संक्रमणले मृत्यु हुनेको संख्या १ लाख ७१ हजार ८९ पुगेको छ ।
पछिल्लो २४ घण्टामा त्यहाँ थप ८ सय ८० जनाको मृत्यु भएको छ ।
Leave a Reply