ग्लोबल टिभि
शुक्रबार, चैत्र १३, २०७७
0
एजेन्सी । छिमेकी देश पछिल्लो चौविस घण्टामा यस बर्षकै धेरै कोरोना संक्रमित पुष्टि भएका छन् । कोरोना भाइरसको संक्रमणको संख्यामा दैनिक नयाँ रेकर्ड कायम गर्दै गएको भारतमा पछिल्लो चौविस घण्टामा मात्रै ५९ हजार ६९ जनामा संक्रमण पुष्टि भएको छ ।
यसअघि बिहीबार यो वर्षकै दोस्रो धेरै ५३ हजार ४१९ जनामा कोरोना संक्रमण पुष्टि भएको छ ।
पछिल्लो वृद्धिसँगै त्यहाँ संक्रमितको संख्या १ करोड १८ लाख ४६ हजार ८२ पुगेको छ ।
यो समाचार तयार पार्दासम्म भारतमा १ करोड १२ लाख ६२ हजार ५०३ जना संक्रमणमुक्त भएका छन् । अब भारतमा सक्रिय संक्रमितको संख्या ४ लाख २२ हजार ५९६ छ ।
यस्तै भारतमा कोरोना संक्रमणले मृत्यु हुनेको संख्या १ लाख ६० हजार ९८३ पुगेको छ ।
पछिल्लो २४ घण्टामा त्यहाँ थप २५७ जनाको मृत्यु भएको छ ।
Leave a Reply