ग्लोबल टिभि
0
एजेन्सी । छिमेकी देश भारतमा पछिल्लो २४ घण्टामा ७२ हजार १ सय ८२ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा पुष्टि भएको कोरोना संक्रमितको संख्या यो वर्ष भारतमा पुष्टि भएको कोरोना संक्रमितहरुको संख्या मध्ये सबैभन्दा बढी भएको भारतीय सञ्चार माध्यमहरुले जनाएका छन् ।
यस अघि गत चैत्र १६ मा भारतमा यो वर्षको दोस्रो धेरै ६८ हजार २ सय ६ जनामा कोरोना भाइरसको संक्रमण पुष्टि भएको थियो ।
त्यहाँ कोरोना संक्रमितको कुल संख्या १ करोड २२ लाख २० हजार ६ सय ६९ पुगेको छ । भारतमा १ करोड १४ लाख ७२ हजार ४ सय ९४ जना कोरोना संक्रमणमुक्त भएका छन् भने कुल भारतमा सक्रिय संक्रमितको संख्या ५ लाख ८५ हजार २ सय १५ रहेको छ ।
यस्तै कोरोना संक्रमणले ज्यान गुमाउनेको संख्या १ लाख ६२ हजार ९ सय ६० पुगेको छ ।
पछिल्लो २४ घण्टामा त्यहाँ थप ४५८ जनाको मृत्यु भएको छ ।
Leave a Reply