जेठ ६– हेटौडा उपमहानगरपालिकाको मतगणना नसकिँदै सत्ता गठबन्धनका उम्मेदवार विजयी भएका छन् ।
हेटौंडाको मेयर र उपमेयर दुबै पदमा क्रमशः एकीकृत समाजवादी पार्टीकी मीना कुमारी लामा र काँग्रेसका राजेश बानियाँ विजयी भएका हुन् । हेटौडामा वैशाख ३० गतेको निर्वाचनमा कुल ७३ हजार ४४१ मत खसेको थियो । जसमध्ये ७१ हजार ५१८ मत गणना भइसकेको छ ।
पछिल्लो मतपरिणामअनुसार एमालेका मेयर उम्मेदवार अनन्त पौडेलले २०३९५ मत पाएका छन् भने एकीकृत समाजवादीकी मीना लामा २२४६८ मत पाएर अग्रता बनाइरहेकी छन् । जसमा मतान्तर २०७३ रहेको छ । तर अब १९२३ मात्रै गन्न बाँकी रहेकाले मीना र बानियाँ गणना सकिनुअघि नै विजयी भएका हुन् । निर्वाचन आयोगले मतगणना सकिएपछि औपचारिक रुपमा घोषणा गर्नेछ ।
उसो त एमालेका मेयर र उपमेयरका उम्मेदवारले शुक्रबार दिउँसै हार स्वीकार्दै गठबन्धनका उम्मेदवारलाई बधाई दिइसकेका छन् ।
Leave a Reply