बैशाख १० – अभिनेता दयाहाङ राईले चलचित्र मनसरामा आफूले निभाएको भुमिका अर्को व्यक्तिबाट हेर्न इच्छुक भएको बताएका छन् ।सोमवार ललितपुरमा चलचित्र मनसरा निर्माण टिमले आयोजना गरेको पत्रकार सम्मेलनमा बोल्दै उनले यस्तो बताए ।
उनले चलचित्रमा आफूले खेलेको कलाकारको भुमिका अर्को कोहीबाट हेर्ने इच्छा भएपनि आफूले नै निभाउनुपरेको र कस्तो न्याय गरेको छु भन्ने बारेमा पनि चलचित्र हेरेपछि दर्शकले न्याय गर्ने बताए । उनले चलचित्रको आफ्नो पात्र डाहलाग्दो रहेको बताएका छन् । त्यस्तै लेखक उपेन्द्र सुब्बाले मनसरा धानको एउटा प्रजाति भएको र त्यसलाई मानिसको रुपमा प्रतिविम्वित गरेर चलचित्र देखाउन लागेको बताएका छन् ।
उनले मनसरा मेहनतसहित धेरै काम गरेर पचाउनसक्ने व्यक्तिहरुले मात्रै खाने गरेको बताएका छन् । शहरमा बस्नेहरुले मनसराको खाना पचाउन नसक्ने बताउनु भयो । त्यस्तै मनसरा अडिलो धान भएकाले मेहनतीहरुले धेरै रुचाउने बताए । मनसरा मात्रैको बियाड नफल्ने भएकाले अरुसँग मिसाएर रोपिने गरेको बताएका छन् ।
नेपाली समाज मिश्रित समाज भएकाले सबै सहयोगी र मिलेर बसेको रुपमा मनसरालाई चलचित्रमा उतारिएको बताए । त्यस्तै अभिनेत्री मिरुना मगरले अझै राम्रो काम गर्न आफैँले आफैँलाई प्रेसर दिएर अभिनय गरेको बताए । उनले मनसरामा आफूले गरेको पात्र भेटिराखेको र देखिराखेको पात्र रहेको बताएका छन् । मनसरामा काम गर्दा एकल महिलाको दुःखहरु आफूले बुझ्ने अवसर पाएको बताएका छन् ।
उपेन्द्र सुब्बाको निर्देशनमा बनेको फिल्म ‘मनसरा’ मा अभिनेता दयाहाङ राई, अभिनेत्री मिरुना मगर, प्रविण खतिवडा र मेनुका प्रधान लगायतका कलाकारको अभिनय रहेको छ । फिल्ममा लिम्बू र व्राम्हण समुदायका पात्रहरूबीचको विवाहेत्तर सम्बन्ध देखाइएको छ । शैलेन्द्र कार्कीले खिचेको यो फिल्म वैशाख २१ मा प्रदर्शनमा आउँदैछ । फिल्ममा निमेष श्रेष्ठको सम्पादन, झुमा लिम्बू र सुशान्त गौतमको संगीत छ ।
Leave a Reply